Nakigpulong si Presidente Ferdinand Marcos Jr. sa bag-ong Prime Minister sa Vietnam nga si Lê Minh Hưng atol sa ASEAN Summit, sa Lapu-Lapu City, Cebu.
Atol sa ilang bilateral meeting, gipahalipayan ni Marcos ang Vietnamese leader sa iyang bag-ong posisyon ug giabiabi kini sa iyang unang pag-apil sa ASEAN Summit.
Gihisgotan sa duha ka lider ang ika-50 ka anibersaryo sa diplomatic relations tali sa Pilipinas ug Vietnam. Matod nila, dakong higayon kini aron mas mapalig-on pa ang kooperasyon sa duha ka nasud labi na sa negosyo ug ekonomiya.
Nagkauyon usab ang duha ka lider sa paghimo og long-term rice trade mechanism aron masiguro ang lig-on nga suplay sa bugas ug mapalig-on ang food security cooperation sa duha ka nasud.
Gihisgotan usab nila ang pagpalapad sa kooperasyon batok sa transnational crimes sama sa scam hubs ug human trafficking. Lakip usab sa ilang gihisgotan ang pagpalig-on sa turismo tali sa Pilipinas ug Vietnam.
Source: PCO
I via Renante Socia Lada