Giabiabi ni Presidente Ferdinand “Bongbong” Marcos Jr. ang mga lider sa ASEAN sa Cebu alang sa 48th ASEAN Summit ug Related Meetings diin gipasiugda niya ang kamahinungdanon sa panaghiusa sa mga nasud sa Southeast Asia.
Sa iyang mensahe, giingon sa presidente nga andam ang Pilipinas sa pagpangulo isip ASEAN Chair aron tabangan ang rehiyon sa pagkab-ot sa malinawon, mauswagon ug people-centered nga kaugmaon ubos sa tema nga “Navigating Our Future Together.”
Lakip sa mga prayoridad nga gihisgutan sa summit ang pagpalig-on sa food ug energy security aron masiguro ang igo nga suplay sa pagkaon ug enerhiya sa mga miyembrong nasud sa ASEAN.
Gipasiugda usab ni Marcos ang paghatag og suporta sa mga mag-uuma ug micro, small and medium enterprises o MSMEs nga giila nga dakong tabang sa ekonomiya sa rehiyon.
Apil usab sa gihisgutan ang pagpanalipod sa mga ASEAN nationals nga nagtrabaho ug nagpuyo sa ubang nasud, ingon man ang pagdawat sa Timor-Leste isip hingpit nga miyembro sa ASEAN community.
Gilauman nga ang summit makatabang sa pagpalig-on sa kooperasyon ug relasyon sa mga nasud sakop sa ASEAN taliwala sa nagkadaghang hagit sa kalibutan.
Source: PCO
I via Renante Socia Lada