Miabot sa Cebu Miyerkules sa gabii si Presidente Ferdinand “Bongbong” Marcos Jr. aron mangulo sa pag-host sa Pilipinas sa 48th ASEAN Summit ug related meetings.
Pag-abot sa presidente, gisugat siya ni Cebu Governor Pamela Baricuatro, ASEAN Director General Hellen Dela Vega ug Mactan-Cebu International Airport Authority General Manager Julius Neri.
Ang ASEAN Summit nagtigom ang mga lider sa 11 ka nasud sakop sa Association of Southeast Asian Nations aron hisgutan ang mga importanteng isyu sa rehiyon sama sa ekonomiya, seguridad, digital trade, ug kooperasyon sa kadagatan.
Gilauman usab nga makigtagbo si Marcos sa ubang mga lider sa ASEAN atol sa summit nga gihimo karon sa Cebu.
Padayon usab ang hugot nga seguridad ug koordinasyon sa mga ahensya sa gobyerno aron masiguro ang malinawon ug organisadong pagdumala sa maong internasyonal nga kalihokan.
Source: Cebu Province PIO
I via Renante Socia Lada