Naitan-ok dagiti lokal a produkto Opisial a nalukatan ti Agri-Trade Fair babaen iti ribbon-cutting ceremony kas paset ti panangrugi ti selebrasion ti fiesta.
Intampok iti aktibidad ti napigsa a suporta ti Gobierno munisipal, kadagiti lokal nga industriya, mannalon, ken small business owners.
Immatendar da Congressman Angelo Marcos Barba ken Governor Cecilia Araneta-Marcos. Kalpasan ti opening ceremony, nagsursur dagiti opisial kadagiti nadumaduma a booth ken impakitada ti suporta babaen iti panaggatang kadagiti lokal a produkto ken pannakisarita kadagiti exhibitors.
Naorganisar ti Agri-Trade Fair tapno mangipaay iti gundaway kadagiti lokal a mannalon, producers, ken small business owners a mangiparangarang kadagiti produktoda.
Naipakita iti trade fair dagiti presko a produkto ti agrikultura, lokal a delicacies, ken handcrafted items a mangiparangarang iti kinabaknang dagiti industriya iti ili.
Naangay met ti “Pinaka Contest,” a nangipabuya kadagiti kadakkelan ken kasayaatan nga apit ken taraken a manupid kadagiti mannalon. Kalpasan ti judging, nailako met dagiti entries a nangted ti gundaway kadagiti bisita a gumatang kadagiti persko a produkto ken makasuporta dagiti partisipante ken lokal a produkto.
Naibilang ti aktibidad a simbolo ti panagkaykaysa, kinaanus, ken pannakaipateg iti talento dagiti umili, a mangipakita iti panagbaligi ti komunidad iti panangsuporta iti lokal nga ekonomia