Usa ka patay’ng sperm whale o balyena ang nakit-an sa kadagatan duol sa Banacon Island, Getafe, Bohol niadtong Lunes sa hapon, Disyembre 16, 2024. Ang maong balyena adunay gitas-on nga 30 metros ug gibana-banang gibug-aton nga upat ka tonelada.
Sumala ni Mayor Casey Camacho, ang mga personahe sa Philippine Coast Guard ug mga residente nagtinabangay sa pagdala sa patay’ng balyena ngadto sa baybayon. Nagpaabot sila sa pag-ubos sa tubig aron mas dali kini ilubong kay nagsugod na kini og pagkadunot.
Usa ka non-government organization (NGO) ang maghimo og necropsy aron mahibal-an ang hinungdan sa kamatayon sa maong balyena.
Ang sperm whale giila nga endangered species ubos sa Endangered Species Act ug depleted ubos sa Marine Mammal Protection Act.
Ang sperm whale kasagarang adunay gitas-on nga 52 ka tiil ug gibug-aton nga mga 41 ka tonelada, ug makasalum hangtod sa giladmon nga 2,250 metros. Apan nag-atubang kini og daghang hulga sama sa polusyon, pagkawala sa ilang natural nga puy-anan, ug uban pang kalihokan nga makadaut sa kadagatan.
Ang insidente nagpahinumdom kanato sa kaimportante sa pagpanalipod sa atong kadagatan ug sa mga nilalang nga nagpuyo niini. Ang pagtinabangay sa komunidad ug mga otoridad maoy yawe aron mapreserbar ang mga endangered species sama niini.
📸 CTTO
I via Renante Socia Lada