Ang Finnish Ambassador sa Pilipinas nga si Saija Nurminen nibisita sa gobernador sa Sugbo nga si Gob. Gwen Garcia, atol sa usa ka courtesy visit didto sa Kapitolyo niadtong Disyembre 16, 2024. Kauban niya ang Honorary Consul sa Finland sa Cebu nga si Jose Franco Soberano.
Naa si Ambassador Nurminen sa Cebu alang sa usa ka duha ka adlaw nga opisyal nga pagbisita aron mas masabtan ug mailhan pa ang probinsya sa Sugbo. Sa sayo pa karong adlawa, naghimo siya og press briefing didto sa Mactan Island.
Sa ilang panagtagbo, nga nagpakita sa gahum ug abilidad sa duha ka babayeng lider, ilang gihisgutan ang mga negosyo ug ekonomikanhong inisyatiba.
Gipakita ni Gobernador Gwen ang mga padayong pag-uswag sa negosyo sa Sugbo ug ang daghang oportunidad alang sa mga langyaw nga gustong mamuhunan dinhi.
Source: Cebu Provincial Capitol, PIO