Sikop sa gikasa nga operasyon sa mga personahe sa kapulisan ang usa ka 41 anyos nga Lalaki mga alas 4:23 hapon niadtong Disyembre 16,2024.
Ang dinakpan naila nga si Mohammad Lindungan Rajab,ka 41-anyos, lalaki ug residente sa Purok 7, Barangay Malayal, Sibuco, Zamboanga del Norte kinsa gidakop tungod sa krimen nga Rape.
Nasikop kini sa hiniusang intel-driven operasyon nga gihimo sa mga personahe sa Sibuco MPS, ZNPIU, ug 2nd ZNPMFC ubos sa warrant of arrest nga giisyu ni Acting Presiding Judge Anthony D. Isaw sa RTC Branch 27, 9th Judicial Region, Siocon, Zamboanga del Norte, pinetsahan og Disyembre 9 , 2024, nga walay piyansa nga girekomendar.
Ang dinakpan gipahibalo sa iyang mga katungod sa konstitusyon ug anaa karon ubos sa kustodiya sa Sibuco MPS alang sa tukmang disposisyon.(Medalyn U. Borja)
Source: ZNPPO