Nikalas og usa ka kinabuhi ug duha ang samaran human sa usa ka aksidente sa motorsiklo nga nahitabo sa alas 2:45 sa hapon niadtong Abril 12, Biyernes, sa National Highway, Barangay Talaga, lungsod sa Argao, Cebu. Ang aksidente naglambigit sa duha ka motorsiklo – ang Honda TMX 125 ug ang Yamaha YZF-R3.
Base sa imbestigasyon sa kapulisan, ang Honda TMX 125 nga gimaneho ni Juan Baqueran Alcoreso, nga adunay angkas nga si Lucasia Mamaboy Gelbero, misulay og liko paingon sa wala nga walay pagsiga sa signal light. Sa dihang nagliko sila, gidasmagan sila gikan sa likod sa Yamaha YZF-R3 nga gimaneho ni Emilio B. Belda nga nagpadagan og kusog padulong sa northbound lane.
Tungod sa kusog nga impact, nalagpot sa semento ang mga sakay sa Honda TMX ug ang drayber sa Yamaha. Gitabang dayon ang mga biktima ug gidala sa Isidro Kintanar Memorial Hospital, apan gideklarar nga Dead on Arrival si Lucasia Gelbero tungod sa grabeng samad sa ulo nga iyang nakuha.
Sa pagkakaron, gidala na sa Argao Police Station ang drayber sa Yamaha ug ang mga motorsiklo nga nalambigit sa aksidente alang sa pormal nga imbestigasyon ug hustong pagproseso. Padayon ang kapulisan sa ilang imbestigasyon aron mahibaw-an ang tibuok detalye sa insidente.
I via Renante Socia Lada