Nagpadayon karon ang gihimo nga imbestigasyon sa kapulisan sa Dakbayan sa Naga sa pagdunggab patay sa usa ka Magtutudlo sa pangpublikong tunghaan.
Mahinumduman nga mga pasado 1:00 kagahapon sa hapon, Oktobre 16,2022, napalgang patay si June Leo Pañares, hingkod ang pangidaron,residenti sa Barangay Tinaan, Siyudad sa Naga.
Didto kini napalgan sulod sa room sa Inoburan Elementary School, Brgy.Inoburan.
Si Pañares adunay mga samad dinunggaban sa nagkadaiyang parti sa lawas ug giputos sa usa ka panapton, gihiktan usab ang liog niini sa usa wire.
Nasayran nga napalgan kini ni Simon Cereño ang kauban nga magtutudlo sud sa maong tunghaan.
Segon sa Kapulisan nga niadto pa kining Sabado sa gabii katapusan nga na kontak sa kauban kay adunay gilakaw uban ang grupo sa mga lalaki.
Ang Naga City Police Station nagpaubos pa sa background sa biktima ug ila usab susihon nganong naabot kini sa maong tunghaan bisan paman sa adlaw nga Dominggo.
Hinuon aduna na silay gilataw karon nga person of interest sa kamatayon sa magtutudlo. (Renante Lada, photo courtesy of Naga City Police Station)