Dakulang pagpapasalamat kan duwang parasira guikan sa Calabanga camarines sur kan resibihon kan mga ini an tig sarong fiber boat na pinagduhol kan oficina rehiyonal kan Bureau of Fisheries and Aquatic Resources,kan nagtalikod na aldaw.
Ginibo an pagtao sabay kan Awarding of FRP Boats, Marine Engines and Fishing Gears sa laog mismo kan nasabing oficina de Gobierno.
Miyentrastanto an duwang fishermen iyo man sinda Alberto Belencio kan barangay Cagsao asin si Daniel Melante kan barangay San Lucas.Presente man sa distribution ng fiber boat si calabanga municipal councilor Adonis Aguilar Jr., Committee Chairman kan Agriculture and Fisheries sa consejo.
Sinabe kaini na dakulang tabang an nasabing baroto sa duwa niyang kababayan na parasira, solamenting iyo man lang an saindang ikinabubuhay. Miyentrastanto idinagdag pa kaini na dawa ngani tadol sana man lang an budget kan BFAR Bicol sa arog kaining programa alagad luwayluway man na naitatao an saindang ayuda sa pangangaipohan kan mga saradit na mga parasisira.
Hagad niya sana man sa mga ini na ipagpadagos an pagbilog nin cooperativa para mas maparikas pa an pagduhol nin ayuda kan sinambit na agencia. (Joey H.Lim)