Cebu City – Gibutyag sa Department of Health (DOH) angĀ pagsaka sa mga kaso sa measles o tipdas sa probinsya sa Sugbo ug mga highly urbanized cities sa Lapu-Lapu ug Mandaue.
Matod ni Dr. Alethea de Guzman, DOH Epidemiology Bureau Director, nga ang ang tulo ka mga local government units (LGU) naa sa Central Visayas nalakip sa 17 k rehiyon nga hayan posibling mosangpot sa measles outbreak subay sa pag konsidera niini nga naa sa hight risk.
Sa bag-ong virtual press briefing, nagkanayon si de Guzman nga ang tanang 17 ka rehiyon sa nasud taas ang tsansa nga ma rehistro isip measles outbreak.
“Measles is a dangerous and fatal disease, with complications that can include severe diarrhea and dehydration, pneumonia, ear and eye complications, encephalitis or swelling of the brain, or permanent disability.There is no specific treatment for measles. The only reliable protection from measles is vaccination,” matod sa DOH.
Basi sa labing uwahi nga data sa DOH, dunay 489 ka mga kaso sa tipdas ang natala gikan sa Enero 1 hangtud sa Oktubre 1 ning tuiga.
Moabot kini ug 167 porsento nga mas taas sa 306 ka mga kaso nga natala sa samang higayon sa tuig 2021.
“MeaslesĀ cases are on an upward trend. While small number of cases increases were seen, postive growth changes were observed nationally, pahibaw ni de Guzman.
Nabantayan kung giunsa sa Calabarzon, Mimaropa, Bicol Region, Central Visayas ug National Capital Region pag-abot sa ilang tagsa tagsa ka epidemic thresholds sa miaging upat ka semana.
Gawas sa probinsya sa Sugbo ug mga syudad sa Lapu-Lapu ug Mandaue, nagkanayon si de Guzman nga duna say pagsaka sa mga kaso sa tipdas nga na obserbahan sa dakbayan sa Dagupan, Pangasinan, Tarlac, Batangas, Quezon, Palawan, Leyte, Zamboanga del Norte, Syudad sa Davao, Surigao del Sur, Dakbayan sa Malabon, Muntinlupa City, Pasig City ug Quezon City.
“As we can see, all regions in the Philippines are at hight risk for measles outbreak, sigon pa ni de Guzman, kinsa mitumbok nga hinungdan ang ubos nga immunizaton rate sa mga kabataan karong bag-o.
Sa tuig 2021 lang, gipahibaw ni de Guzman nga dunay 1.6 milyones ka mga kabataan ang walay measles vaccination.
“If we take into account the years before 2021, we have over three million. That is a large number children that are not vaccinated, matod ni de Guzman.
Gidugang sa health official nga ang measles outbreak sa nasud sagad mahitabo kada upat ngadto sa lima ka tuig.
Katapusang duha ka measles outbreak nahitabo niadtong tuig 2014 ug 2018 ngadto sa 2019.
“This is why we are projecting an impending outbreak possibly in the next year or two if we fail to increase our vaccination coverage, pasabot ni de Guzman.
Ang Wold Health Organization ug United Nations Children’s Fund sa sayo niini, mi abiso sa Pilipinas sa potential measles outbreak. (Jhon Tadlip)
(Source: DOH Epidemiology Bureau)Ā