Temporaryong gipahunong sa Coast Guard Station Camotes ang pagbiyahe sa tanang sakayan nga 15 gross tons (GT) paubos sulod sa ilang AOR sugod Hulyo 8, 2026. Gihimo kini aron mapanalipdan ang kinabuhi sa mga pasahero ug tripulante tungod sa dili maayong panahon nga dala sa Bagyong Inday.
Sumala sa Coast Guard, magpabiling suspendido ang mga biyahe hangtod nga moayo ang kahimtang sa panahon ug sa dagat. Giawhag usab ang tanang kapitan ug tag-iya sa mga sakayan nga magbantay kanunay sa mga weather bulletin ug mosunod sa mga safety advisory.
Gitugotan ang mga sakayan nga mangitag masilongan kung gikinahanglan, apan kinahanglan adunay sinulat nga hangyo ngadto sa Coast Guard. Dili usab tugotan ang pagkarga og mga pasahero o pagdala og kargamento atol sa pagpasilong.
Gihangyo sa Coast Guard ang tanang biyahero ug mga operator sa sakayan nga magtinabangay ug mosunod sa maong pahibalo. Ang normal nga biyahe ibalik lamang kung luwas na ang kahimtang sa panahon ug sa dagat.
I via Renante Socia Lada