Gilunsad sa Department of Education ang School-Based Feeding Program ug Milk Feeding Program sa Lahug Elementary School sa Cebu City alang sa School Year 2026–2027. Tumong sa programa nga matabangan ang mga batang estudyante nga adunay kulang sa nutrisyon pinaagi sa libre nga pagkaon ug gatas.
Mitambong si Nestor Archival sa maong kalihokan aron ipakita ang suporta sa programa. Miingon siya nga importante nga bantayan ang kahimtang sa mga batang makadawat sa tabang aron masiguro nga epektibo ang programa.
Dugang pa sa mayor, gusto usab sa siyudad nga maghimo og gagmayng kusina sa mga pampublikong eskwelahan ug dugangan ang mga tanom sa Gulayan sa Paaralan Program aron adunay preskong utanon nga magamit sa pagluto sa pagkaon sa mga estudyante.
Ang programa alang sa mga bata sa Kindergarten ug Grade 1 sa mga pampublikong eskwelahan ug gipatuman sa DepEd uban sa tabang sa National Nutrition Council, National Dairy Authority, ug Philippine Carabao Center.
I via Renante Socia Lada