Cebu City – Sugod karong adlawa, Nobembre 22, 2021, gidid-an na nga maka sud ang minors ubos sa 15 anyos ang edad, bisan kon unsa ang ilang vaccination status batok sa Covid-19, sa mga supermarkets ug grocery stores sa Syudad sa Sugbo.
Naka hukom ang syudad pag adopt sa maong palisiya aron paglikay sa mga kabataan nga ma expose sa coronavirus ning nagsingabot nga pag dagsa sa mga tawo atol sa Christmas.
Ang bag-ong milingkod nga si Mayor Michael Rama, mibutyag nga si Bise Mayor Donaldo “Dondon” Hontiveros maoy mi pirma sa maong policy sa dihang nagsilbing acting mayor ang naulahi atol sa pag leave ni acting mayor Rama ug ni Mayor Labella.
Si Rama ug Hontiveros mi assume pagka mayor ug bise mayor pagka matay ni Labella niadtong Nobembre 19, 2021.
Gipasabot ni Rama nga dili siya gusto nga matandog ang direktiba nga na issue na.
Mismong si Presidente Rodrigo Duterte mi-awhag sa mga local government units pag luwat ug mga palisiya nga mag regulate sa presensya sa mga minors sa pampublikong mga lugar, labi na sa mga malls.
Sa Sugbo, gitugtan ang mga minors sa mga pampublikong lugar ug pagsud sa mga commercial establishments sa dihang ang syudad ug ang tibook Cebu island gibutang sa Alert Level 2, nga maoy ika-duha nga labing ubos nga alert level classification sa Pilipinas.
Apan na obserbahan sa mga otoridad nga sagad sa mga kabataan wala magsul-ob o huboon ang ilang face mask diha sa public places, nga maghatag ug risgo ug posibilidad nga matakdan sa coronavirus, sama sa nahitabo sa Luzon.
Mipahimangno sab si Duterte ngadto sa mga ginikanan ug guardians kalabot sa mga risgo
Aron paglikay sa hingpit nga pag ban sa mga minors sa malls ug ubang commercial establishments, mi desisyon ang Syudad sa Sugbo nga did-an lang sila sa mga supermarkets ug grocery stores, diin expected nga daghang mga mo hugop atol sa Pasko.
Basi sa memorandum nga gipirmahan ni Hontiveros, kini nagkanayon “establishments may consider declaring a well-ventilated space as a safe waiting area for minors below 15 years old while their guardians or parent shop.”
Lakip sa mga mipirma memorandum sila si Konsehal Joel Garganera, head sa Emergency Operations Center; Jared Limquiaco, head sa Business Permit and Licensing Office.
Expected nga ang mga establishments mo siguro sa proper ventilation pinaagi sa proper exahaust o pag abli sa mga pultahan, bintana ug ubang apertures; ug pag monitor sa air quality pinaagi sa gitawag nga “non-dispersive infrared dioxide sensors.
Dunay mga nangutana kalabot sa polisiya, lakip na kung unsaon sa mga establishemts pag verify sa edad sa mga bata ug matod ni Rama nga ila lang kining i discuss sa convergence para matan-aw ang merits.
Sa iyang bahin si Dr. Mary Jean Loreche, chief pathologist sa Department of Health (DOH-7), mi-awhag sa publiko pag tuman sa policy sa pagka karon, tungod kay ma sunod ra ang pag asses sa enforcement.
“Let’s just follow muna and then re-assess after. Hoping we can contain the cases,” awhag ni Loreche.
Source/Photo: Cebu City PIO
