Ang sunog nga miigo sa Sitio San Isidro, Barangay Inayawan, kagahapong adlawa, Abril 5, 2025, nakaapekto sa 28 ka panimalay, diin adunay 35 ka pamilya ang nawad-an og panimalay ug 128 ka indibidwal ang naapektuhan sa maong sunog, base sa inisyal nga taho sa Department of Social Welfare and Services (DSWS) sa alas 5:30 sa hapon.
Nadawat sa Cebu City Fire Station ang alarma sa sunog alas 2:17 sa hapon, gisaka sa unang alarma pagka alas 2:23ug na kontrol pagka alas 3:37.
Sumala sa datos, 26 ka mga balay ang hingpit nga naugdaw samtang 2 ka mga balay ang partially damaged. Sa pasiunang imbestigasyon sa kabomberohan nagsugod abg sunog sa balay sa usa ka Mary Grace.
Sa nasayran, dali dayon mihimo og aksyon ang Cebu City Government ilawom sa liderato ni Mayor Raymond Alvin Neri Garcia, uban sa DSWS.
Sa pagkakaron padayon ang tabang sa mga biktima samtang gisusi pa ang hinungdan sa sunog. Mikabat usab sa P700,000 ang natala nga danyos sa maong sunog.
I via Renante Socia Lada