Nasakmit sa mga otoridad sa Mactan-Cebu International Airport (MCIA) ang dakong kantidad nga salapi nga gibana-banang mokabat og P441 milyon gikan sa usa ka grupo nga gilangkuban sa siyam ka langyaw ug duha ka lokal nga pasahero nga sakay unta sa usa ka espesyal nga biyahe paingon sa Manila, kagabii sa Mayo 9, 2025.
Ang maong kuwarta gisulod sa pito ka mga bag nga mitimbang og 70 kilos ug nasakpan pinaagi sa hugot nga inspeksyon gamit ang mga moderno nga security scanner. Ang grupo giluwatan sa mga sakop sa PNP Aviation Security Group, MCIAA police, ug ubang kauban nilang ahensya sa seguridad sa nasud.
Sumala sa mga kasayuran, nagduda ang mga otoridad nga ang salapi may kalambigitan sa ilegal nga online gaming operations o POGO, nga dugay nang gibantayan tungod sa mga kalihokan nga makaalarma sama sa kidnapping ug money laundering.
Gituhuan usab kini nga posibling gamiton labi na sa nagsingabot nga eleksyon karong lunes.
Karon, padayon ang imbistigasyon sa mga otoridad aron masuta ang tinuod nga hinungdan sa pagdala sa mga suspetsado sa dakong kantidad sa salapi ug giandam na usab ang posibling kaso batok kanila.
I via Renante Socia Lada