Usa ka 35-anyos nga lalaki nga gikan sa Ormoc City, Leyte ang namatay human madisgrasya samtang nagsakay og motorsiklo sa Transcentral Highway (TCH) sa barangay Cansomoroy, lungsod sa Balamban, sa alas 11:05 sa buntag, Mayo 10, 2025.
Ang biktima giila nga si Giolo Laurente, nga nagbiyahe paingon sa sidlakan gikan sa kasadpan nga bahin sa maong dalan. Matod sa imbestigasyon sa kapulisan, kusog ang dagan sa motorsiklo sa biktima ug pag-abot sa usa ka kurbadahon nga parte sa kalsada, kalit kini nawad-an og kontrol, natumba, ug nalagpot sa daplin sa dalan.
Tungod sa kakusog sa impact, nakaangkon siya og grabeng samad sa lawas. Gidali siyang gidala sa Balamban Provincial Hospital sa miresponde nga rescue team, apan gideklarar siya nga dead-on-arrival.
Padayon pa ang imbestigasyon sa mga otoridad aron masuta ang tibuok detalye sa nahitabong aksidente.
I via Renante Socia Lada