Nagmalampuson ang gipahigayon nga buy-bust operation sa Mandaue City Police Office batok sa usa ka lalaki nga nalakip sa High Value Individual.
Ang operation gipahigayon didto sa V. Alban̈o St., Little Tokyo, Brgy. Maguikay, siyudad sa Mandaue, pasado alas 10:51 kagabii, Hulyo 12, 2024.
Giila ang suspetsado sa taga MCPO na mao si Winie Sabanal Lavides a.k.a. “JunJun”, 33 anyos ang panuigon, menyo, ug residenti sa Sitio Kabulihan, Brgy. Alang-alang, dakbayan sa Mandaue.
Ang mga sakop sa CIU/CDEU sa MCPO uban sa Philippine Drug Enforcement Agency Regional Office VII maoy nilusad sa maong operation na ni resulta sa pagkasakmit sa mga binultong shabu na aduany standard drug value nga Php3,400,000.00.
Sa pagkakaron nagpadayon ang imbestigasyon sa kapulisan aron pagsuta kung si kinsa ang tig supply og ginadiling drugas ni Lavides, samtang giandam na usab ang kasong kalapasan sa Sections 5 and 11, Art. II of R.A. 9165. (Renante Lada and Ting Joe Pepito)
(Source: PLTCol Mercy Villaro/MCPO PIO)