Nagbilin og P28 milyones nga danyos ang nahitabong sunog didto sa Sitio Kolo, Barangay Pajac, Dakbayan sa Lapu-Lapu, niadtong niaging hapon, Agosto 10, 2024.
Matod sa Lapu-Lapu City Police Fire Station nga nadawat nila ang alarma sa sunog pagka alas 2:21 sa hapon.
Nikabat og pipila ka minuto ang pakig kumbati nila sa kalayo diin pagka alas 3:17 na fire out na kini.
Usa ka warehouse sa furniture ang naigo sa maong sunog diin daghang mga furniture ang naugdaw.
Ang kabomberohan nagsubay nga posibling kuryinti ang usa sa hinungdan sa maong sunog.
Sa pagkakarong dugang imbestigasyon ang gihimo sa kabomberohan may labot sa maong sunog nga nagbilin og minilyon nga danyos. (Renante Socia Lada)