Wala nay kinabuhi nga napalgan ang usa ka mananagat sa kadagatan didto sa Barangay Luyang, Lungsod sa Carmen, Sugbo, pasado alas 3:00 sa hapon, Agosto 11, 2024.
Ang biktima giila sa Carmen Police Station na mao si Simplicio Pongautan Jayson, 65 anyos ang panuigon, residente sa Upper Natimao-an, Lungsod sa Carmen.
Sa imbestigasyon sa Carmen Police Station nasayran nga ang biktima niadto sa lawod niadtong Agosto 10, 2024, pasado alas 5:OO sa hapon apan wala na kini niuli pa.
Gipangita kini nila og nakit-an nalang na wala nay kinabuhi nga nag lutaw-lutaw sa kadagatan.
Duda sa kapulisan nga posibling giataki kini samtang nanagat na maoy hinungdan nga nahulog kini sa bangka og namatay. (Renante Socia Lada)
photo courtesy of Carmen Police Station