Nadakpan ang usa ka 22-anyos nga babaye atol sa buy-bust operation nga gihimo sa mga operatiba sa Mandaue City Police Office (MCPO), Cebu Provincial Intelligence Unit (CIU), ug Philippine Drug Enforcement Agency Region 7 (PDEA-7) kagabii, Enero 15, 2025, alas 9:50 sa Uniwide, Barangay Tipolo, Mandaue City.
Ang suspetsado nga nailhan sa alias nga “Rose,” taga-Sitio San Roque, Lorega San Miguel, Cebu City, adunay live-in partner.
Nakuha gikan sa suspetsado ang 2.5 ka kilo sa gituohang shabu nga may street value nga nagkantidad og Php 17 milyon. Ang maong operasyon resulta sa kooperasyon tali sa nagkadaiyang ahensiya sa kapulisan, nga nagpakita sa ilang determinasyon sa pagpakunhod sa pagpanagtag sa ilegal nga droga sa rehiyon.
Ang suspek kasamtangang gitanggong sa kustodiya sa kapulisan ug mag atubang sa mga kaso nga nakabase sa Section 5 ug Section 11, Article II sa Republic Act No. 9165 o Comprehensive Dangerous Drugs Act of 2002.
📸 MCPO
I via Renante Socia Lada