Aron masiguro ang kaluwasan ug seguridad sa komunidad sa Central Visayas, ang PRO7 nihimo og dakong lakang pinaagi sa pagsakmit sa P1.5 milyones nga balor sa ilegal nga drugas sa duha ka managlahing anti-drug operations sa dakbayan sa Talisay.
Sumala sa mga taho, ang hiniusang paningkamot sa Provincial Intelligence Unit/Provincial Drug Enforcement Unit ug Talisay City Police Station ubos sa Cebu Police Provincial Office (CPPO) nisangpot sa pagkasikop sa mga durugista ug pagkasakmit sa dakong kantidad sa shabu ug drug paraphernalia.
Mga alas 5:40 sa hapon niadtong Agosto 10, 2024, ang mga personahe sa Provincial Intelligence Unit/ Provincial Drug Enforcement Unit ug Talisay City Police Station nakasakmit og 150 gramos nga shabu nga adunay standard standard drug value nga P1,020,000 gikan sa usa ka 38 anyos nga high-value drug suspect sa Purok Guyabano, Brgy. Sqn Roque, Talisay City, Cebu.
Sa laing operasyon, nasikop sa kapolisan ang usa ka 21-anyos nga tigpayuhot og ginadiling drugas nga dunay 80 gramos nga iligal nga drugas nga nagkantidad og PhP544,000.00 sa Riverside, Brgy. Cansojong, Talisay City, Cebu sa mga ala 1:00 sa kaadlawon niadtong Agosto 11, 2024.
Nakuha sa duha ka operasyon ang mokabat sa PhP1,564,000.00 nga balor sa ilegal nga drugas ug uban pang ebidensya.
Si PBGen Anthony Aberin, PRO7 Regional Director, nihatag ug gibug-aton sa kamahinungdanon sa gipakusog nga intelligence operations ug community engagement aron matubag ang problema sa drugas.
“With the unwavering support of the Central Visayas community, we are firmly committed to addressing the drug issue with strategic planning and strict adherence to the rule of law ,” dugang ni PBGen. Aberin.
Sa pagkakaron ang giandam na ang kasong kalapasan sa Republic Act 9165 o Comprehensive Dangerous Drugs Act of 2002. (Renante Lada and Ting Joe Pepito)
(Source: PRO-7)