Mibisita sa Cebu City Government kagahapon Martes, Agosto 11, 2026, ang delegasyon gikan sa Office for Other Bangsamoro Communities (OOBC) ubos sa Office of the Chief Minister sa Bangsamoro Autonomous Region in Muslim Mindanao (BARMM). Tumong sa ilang pagbisita ang pagkat-on sa mga programa ug digital nga serbisyo sa Cebu City Government.
Mainiton nga gidawat ni Cebu City Mayor Nestor Archival ang delegasyon nga gipangulohan ni OOBC Executive Director Prof. Noron S. Andan.Gipresentar ni Mayor Archival ang mga plano sa siyudad alang sa Muslim community, lakip ang pag-establisar og Muslim Section sa Cebu City Medical Center ug Muslim cemetery. Gipadayag usab sa delegasyon ang interes sa posibleng pakigtambayayong sa Cebu City Government.
Gipatin-aw sa mayor nga adunay opisina ang Cebu City Government para sa Muslim Affairs ug Indigenous Cultural Communities nga mahimong sentro sa koordinasyon sa umaabot nga mga programa.
Gipakita usab sa Management Information and Computer Services (MICS) Department ang digitalization programs sa siyudad, lakip ang Citizen Action 360 ug fiber backbone network nga nagkonektar sa tanang 80 ka barangay ug mga remote office sa city government.
I via Renante Socia Lada