Gipalig-on sa Cebu City Government ang kampanya batok sa African Swine Fever o ASF pinaagi sa pagpalapad sa impormasyon bahin sa paglikay ug pagkontrol niini.
Kagahapon Agosto 11, 2026, mibisita sa Cebu City Hall ang Cebu City Department of Veterinary Medicine and Fisheries (DVMF), ubos sa pagpangulo ni Dr. Jess Maribijoc, aron makig-coordinate kang Cebu City Mayor Nestor Archival kalabot sa ASF Information Caravan.
Ang kalihokan gipangunahan sa Department of Agriculture ug National African Swine Fever Prevention and Control Program. Ang information drive gihimo sa tulo ka siyudad sa Cebu—Bogo City niadtong Agosto 11, Carcar City sa Agosto 12, ug Cebu City sa Agosto 13.
Tumong sa caravan nga mapalambo ang kahibalo sa mga mag-uuma, livestock raisers, meat handlers ug uban pang sektor bahin sa ASF, lakip ang hustong pag-atiman sa baboy, animal movement, meat safety ug biosecurity measures aron malikayan ang pagsulod ug pagkaylap sa sakit.
Pinaagi niini, gilauman nga mapanalipdan ang panginabuhian sa mga nagbuhi og baboy, food safety ug kahimsog sa komunidad.
I via Renante Socia Lada