Ang Cebu City Police Office (CCPO) nag-awhag sa tanang Android users nga i-download ug i-set up ang OneButton SMS mobile application aron dali silang makapangayo og tabang panahon sa emerhensya.
Pinaagi sa maong app, usa lang ka pindot ang gikinahanglan aron mapadad-an dayon og mensahe ang imong mga emergency contact ug ang pinakaduol nga estasyon sa pulis. Makatabang kini sa mga insidente sama sa krimen, aksidente, kalit nga sakit, ug uban pang emerhensya nga nagkinahanglan og dali nga responde.
Gidasig usab sa CCPO ang publiko nga irehistro daan sa app ang ilang emergency message ug ang mga numero sa ilang kasaligan nga kontak, lakip na ang pinakaduol nga police station, aron andam kini gamiton bisan unsang orasa.
Sumala sa CCPO, ang maong aplikasyon kabahin sa ilang kampanya aron mapalambo ang personal nga kaluwasan ug mas mapaspas ang paghatag og tabang sa mga nanginahanglan.
📸 CCPO
I via Renante Socia Lada