Gilibkas na sa National Grid Corporation of the Philippines (NGCP) ang yellow alert status sa Visayas Grid ala 1:00 karon sa hapon, Human misaka ang available capacity ngadto sa 3,044 megawatts (MW) bisan pa sa pagsaka sa peak demand nga miabot og 2,325 MW.
Sa sayo pa, nagpatik ang NGCP og yellow alert alang sa 5:00 hangtod 7:00 sa gabii, tungod kay nipis na ang margen tali sa available capacity ug projected peak demand. Una nilang gitaho nga ang available capacity kay 2,500 MW samtang ang peak demand sagad moabot og 2,301 MW.
Sumala sa NGCP, total nga 660.5 MW ang dili magamit sa Visayas Grid tungod kay siyam (9) ka planta ang nag-antos og forced outage gikan Abril hangtod Nobyembre, upat (4) niini sukad pa 2024 ug duha (2) pa gikan 2023; samtang 18 ka planta ang nagdagan subay sa derated capacities o dili full capacity.
Miingon pa ang NGCP nga ang pagka-unavailable sa TVI Units 1 ug 2, ug ang emergency shutdown sa Leyte Geothermal Power Plant Unit 3 (LGPP 3) mao say usa sa mga hinungdan sa pagdeklarar sa yellow alert.
Ang TVI kay subsidiary sa Aboitiz Power Corporation. Nakumpirmar sa Aboitiz Power nga ang duha ka unit sa TVI dili magamit tungod sa disruption sa coal handling operations, apan ang Unit 1 nabalik og sync sa grid mga alas 9:00 sa gabii.
Bisan pa sa kahimtang sa Visayas, nagpabilin nga normal ang operasyon sa Luzon ug Mindanao grids, sumala sa NGCP.
Source: NGCP
I via Renante Socia Lada