Nadakpan sa Police Regional Office 7 (PRO7) ang usa ka high-priority nga suspetsado nga giilang Top 3 sa tibuok rehiyon, Top 1 sa probinsiya, ug Top 1 sa munisipyo, atol sa usa ka coordinated operation sa Consolacion Municipal Police Station, Cebu Provincial Intelligence Team, ug Regional Intelligence Unit (RIU) 7.
Giserbi ang Warrant of Arrest pasado alas-2 sa hapon niadtong Nobyembre 19, 2025, sa Sitio Sto. Niño II, Barangay Casili, Consolacion, Cebu. Ang 25-anyos nga suspetsado gisikop tungod sa kasong Murder (Criminal Case No. R-CEB-25-05077-CR) nga giisyu ni Presiding Judge Jennifer Karen Leyson sa RTC Branch 23, Cebu City, kaniadtong Nobyembre 17, 2025, nga walay rekomendadar nga piyansa.
Kasamtangang gidetener ang suspek sa custodial facility sa Consolacion MPS, CPPO, samtang naghulat sa presentasyon ngadto sa korte.
Gipasabot ni Regional Director PBGEN Redrico A. Maranan ang importansya sa maong operasyon, kung diin iyang giingon: “The swift arrest highlights the dedication and teamwork of our personnel. PRO7 remains committed to delivering justice and ensuring the safety of communities across Central Visayas.”
Nagpakita kini nga operasyon sa padayong paningkamot sa PRO7 sa pagpanalipod sa katawhan ug pagpakusog sa kalinaw ug kahapsay sa rehiyon.
Source: PRO7 PIO
I via Renante Socia Lada