Padayong gipangita sa Dumajug Police Station ang responsabli sa pagtulis ug pagpatay sa usa ka negosyanti.
Ang biktima mao si Leonardo Pescadero Macario, 52 anyos ang panuigon, taga Barangay Kanyuko Dumanjug, Sugbo.
Ang krimin na diskubri-an kaganihang buntag Mayo 30, 2024, didto rapud sa ilang lugar.
Sa imbestigasyon sa Dumanjug Police Station nasayran nga pasado 1 kaganihang kadlawon nilakaw si Macario paingon didto sa lungsod sa Barili aron mangompra og mga kahayupan sakay sa iyang motorsiklo na may dalang kwarta nga tunga sa milyon ka pesos.
Natingala ang anak nga wala kini nalahos sa Brgy. Mantalongon sa Barili ug sa pagsusi na niya, iyang nahibaw-an nga gi atangan kini sa dalan og gitigbas sa makadaghang higayon na maoy hinungdan sa iyang kamayon, gidala pa gyud ang kwarta niini.
Ang kapulisan nagsubay sa motibo nga tulis ang hinungdan sa kamatayon sa biktima.
Dugang imbestigasyon ang gihimo sa kapulisan sa maong pagpanulis ug pagpatay, samtang kagamhanan sa maong lungsod muahtag og ganti sa makatudlo sa mamumuno.
“Kong kinsa ang makahatag ug ipormasyon para ma dakpan kinsa ang nag patay sa atong igsoon nga si LEONARDO “ADOT” MACARIO hatagan nako ug reward nga Php 200,000.
Ganehang kadlawon 1am gipatay ug gikuha ang iyang kwarta nga dili mu minus sa Php 500,000 pesos, gi tigbas itawn cya didto duol sa iyang panimalay sa babaw sa Brgy. Kanyuko.
Mangayog mig tabang ninyo kong kinsa ang nakabalo, isumbong dayon sa atong kapulisan kai naa moy ganti!
Dili ta mu tugot ani! Dili ni nako palampason nga panghitabo samot pa diri sa atong Lungsod!”, segon ni Mayor Gungun Gica. (Renante Lada | Angkol Ting Joe Pepito)