Cebu: ACT-CIS Partylist nanghatag og tag P15,000.00 nga livelihood financial assistance sa 666 ka mga Sugbuanon

0
8
photo courtesy of Mandaue City PIO

Giisip nga dakong tabang panginabuhi ang gipanghatag nga ayuda sa (ACT-CIS Partylist) sa mga Sugboanon.

Adunay 666 ka mga Sugboanon, 50 niini mga Mandauehanon ang nalakip nga gihatagan og livelihood financial assistance nga tag 15-mil pesos.

Ang mas labing nagkinahanglan og tabang maoy nakapahimos sa livelihood financial assistance, pinaagi sa Anti-Crime and Terrorism Community Involvement and Support Partylist (ACT-CIS Partylist).

Sa nasayran nga prayoridad sa maong tabang ang mga Solo Parents, mga asawa nga anaa lang sa balay, ug Senior Citizens.

Gitambungan ang pagpanghatag sa livelihood assistance , sa niaging adlaw, nila ni Deputy Majority Leader Congressman Erwin Tulfo, ACT-CIS Representative Congressman Edvic Yap ug mga representante sa nagkalain-lain nga lungsod sa Sugbo.

Nagpasalamat usab ang mga Opisyalis sa mga dakbayan sama nila ni Mandaue City Mayor Jonas Cortes, Bise-Mayor Glenn Bercede ug mga City Councilors nga sila si Maline Cortes-Zafra, Cynthia Cinco-Remedio, Jen Del Mar, Malcolm Sanchez ug Board Member Glenn Soco.

Nitambong usab sila si Florentino Loyola ang Assistant Secretary for Specialized Programs, DSWD 7 Regional Director Shalaine Marie S. Lucero. (Renante Socia Lada)

Leave a Reply