Nadakpan sa usa ka hot-pursuit operation sa Inayawan Police Station 7 ang usa ka suspek nga giingong misulay og panulis sa usa ka tindahan sa Barangay Pardo, sayo sa kadlawon sa Hunyo 8, 2025.
Ang biktima, usa ka 40-anyos nga babaye nga service crew sa 7-Eleven (Pardo Branch), giingong gitumban sa suspek nga may dala nga 8-pulgada nga kutsilyo ug misinggit og “Tulis!” samtang siya nagbantay sa tindahan. Dali nga nibakwit ang suspek human misinggit og tabang ang biktima.
Tungod sa paspas nga pagresponde sa kapulisan, nasikop ang 46-anyos nga suspek nga taga-Barangay Pardo, walay trabaho ug single, mga 25 minutos human sa insidente. Na-rekover gikan kaniya ang kutsilyo nga gigamit sa maong krimen.
Luwas ang biktima nga residente sa V. Rama corner, Cebu City. Samtang ang suspetsado kasamtangang gitangging sa Inayawan Police Station 7 ug giandam na ang kaso nga Attempted Robbery ug paglapas sa COMELEC gun ban, nga nagdili sa pagdala og hinungdanong armas sa panahon sa eleksyon.
Nagpabilin nga lig-on ang Inayawan Police Station 7 sa ilang panata nga protektahan ang katawhan, ipatuman ang balaod, ug pakigtambayayong sa COMELEC sa pagpugong sa krimen ilawom sa election period.
Source: Inayawan Police Station
I via Renante Socia Lada