Isip pagsaulog sa World Ocean Day 2025 ang kagamhanang lokal sa Dipolog misalmot sa gipahigayon nga Coastal Cleanup Drive, didto sa D’Food Hub & Events Center, Dipolog City Boulevard, Hunyo 8,2025.
Ang maong kalihokan gipangulohan sa Mayor ning dakbayan sa Dipolog nga si City Mayor Darel Dexter T. Uy sa koordinasyon sa Partnerships in Environmental Management for the Seas of East Asia (PEMSEA) ug Marine Environment Protector (MEP), diin kini nahisubay sa tema nga “Kadagatan Ampingan, Plastik Likayan”.
Ang mga misalmot sa maong kalihokan nagbitbit sa materyales sa pagpanglimpyo sama sa gwantis, sako, pala, ug “walis ting-ting”—aron sa pag-apil sa pagpanglimpyo sa mga sidewalk ug kasikbit nga mga pampublikong luna sa Dipolog.
Kini nagtumong sa usa ka dedikasyon nga dakog katampo nga mapanalipdan ang kadagatan,mapataas ang kaamgohan sa marine pollution ug mapakita ang dalayegong kadasig,
nga nagpakita sa gipaambit nga pasalig sa pagdumala sa kinaiyahan ug kaayohan sa komunidad.(Medalyn U. Borja)
Source: Kagamhanan sa Dakbayan sa Dipolog