Usa ka trahedya ang nahitabo sa M.C. Briones St., Highway, duol sa Landbank, alas-3:55 sa kadlawon, Setyembre 18, 2025, human mabanggaan ang magtiayon nga street sweeper samtang nanilhig sa dalan.
Ang biktima nga namatay giila nga si Leonie Longes, 40 anyos, residente sa P. Basubas St., Tipolo, Mandaue City. Ang iyang asawa nga si Rosal Bofil Longes, 40 anyos, nakaluwas apan naangol ug nagpadayon og tambal sa ospital.
Matod sa inisyal nga imbestigasyon, naglimpyo ang magtiayon sa daplin sa kalsada dihang kalit silang giigo sa usa ka pick-up truck. Tungod sa kusog nga impact, natumba sila ug nakadawat og grabeng kadaot. Gidala dayon sila sa Mandaue City Hospital, apan gideklarar nga Dead on Arrival (DOA) si Leonie, samtang si Rosal nagpadayon sa pagpa-alam.
Ang drayber sa pick-up midagan palayo human sa insidente ug wala mailhi. Padayon ang imbestigasyon sa kapulisan aron mailhan ug madakpan ang responsable, aron mahatagan ug hustisya ang mga biktima.
Source: MCPO
I via Renante Socia Lada