Giabi-abi ni Cebu Gobernor Pamela Baricuatro ang mga delegado sa Philippine Economic Briefing nga gipahigayon niadtong Setyembre 17 sa usa ka hotel sa syudad. Apil sa mga mitambong ang mga representante sa national government agencies ug private sector.
Kauban ni Gov. Pam sa maong kalihukan si Cebu City Mayor Nestor Archival ug Finance Secretary Ralph Recto. Ang briefing usa ka inisyatiba sa Department of Finance (DOF), Department of Budget and Management (DBM), ug Bangko Sentral ng Pilipinas (BSP) aron ipresentar ang economic performance sa nasud, mga reporma, ug investment opportunities.
Sa iyang mensahe, giingon ni Gov. Baricuatro nga kinahanglan ang inclusive growth aron ang kauswagan masinati sa tanang katawhan. “Cebu is one of the fastest-growing provinces in the country, but growth must always be inclusive. My vision is that as our economy expands, no Cebuano is left behind—not only in our cities, but also in our towns and mountain barangays,” matod niya.
Iyang gipasabot nga ang mga plano sa turismo, imprastruktura, ug digital transformation makahatag og klarong kausaban sama sa mas maayong farm-to-market roads, dugang trabaho alang sa kabatan-onan, ug mas episyenteng serbisyo sa komunidad.
“As your Governor, I assure you that the Cebu Provincial Government will continue working hand in hand with the national government, private sector, and civil society. Together, we will ensure that progress is not only measured in statistics, but felt in the daily lives of our people,” dugang pa sa gobernador.
Source: Cebu Province PIO
I via Renante Socia Lada