Naligo sa kaugalingon dugo ang usa ka lalaki nga nalambigit sa pagpanulis ug pagpangawat human kini gipusil.
Ang krimin na diskubri-an pasado alas 7:30 kagahapon sa buntag, Oktobre 28, 2024, didto sa Brgy. .Jaclupan sa dakbayan sa Talisay.
Ang biktima giila sa Talisay City Police Station na mao si Ramesis Gabutan alyas ‘Cocoy’, 27-anyos, ug residente sa Purok Abocado sa maong barangay.
Sa nasayran nga nadawat sa kapulisan ang taho nga dunay usa ka lalaki nga napalgang patay sa maong lugar ug sa pagsusi na nila didto na sa kasagbutan nag buy-od ang biktima nga adunay daghang pinusilan.
Si Gabutan nasuta usab nga nalambigit kini sa pagpanulis ug pagpangawat sa maong dakbayan..
Sa pagakakaron padayon ang imbestigasyon sa kapulisan aron pagsuta kung si kins ang responsabli sa maong krimin ug motibo niini. (Renante Socia Lada)