Nakabsan gyud sa kinabuhi ang usa ka lola human na dasmagan sa taxi atol sa iyang paglabang sa karsada.
Nahitabo kini pasado alas 8:00 sa niaging gabii, Oktobre 27, 2024, didto sa National Road, Barangay Dungguan, dakbayan sa Danao, Sugbo.
Ang biktima giila sa Danao City Police Station na mao si Diosdada Kiamco Embalzado, 75-anyos ang panuigon, residenti rapud sa maong lugar.
Naila usab ang suspetsado nga drayber sa itum nga taxi na mao si Tommy Gomanad Berandez, 46-anyos ang pangidaron, ug residenti kini sa Barangay Looc, lungsod sa San Remegio, Sugbo.
Sa imbestigasyon sa kapulisan nasayran nga samtang nitabok ang biktima sa maong karasada wala kabantay ang drayber nga kusog nagpadagan.
Nahampak ang ulo sa ulo ni Embalzado sa dalan na maoy hinungdan nga naka angkon kini og grabing kadaot sa iyang ulo ug namatay.
Sa pagkakaron padayon nga gitanggong ang suspetsado nga drayber samtang giandam ang tukmang kaso batok kaniya. (Renante Lada and Ting Joe Pepito)