Balik sa prisuhan ang kanhi ex-convict human nasikop sa gipahigayon nga buy-bust operation sa Provincial Intelligence Unit sa Bohol Police Provincial Office.
Pasado alas 10:30 sa gabii, Octobre 27, 2024 gilusad ang buy-bust operation didto sa Purok 6, Barangay Manga dakbayan sa Tagbilaran, BOhol.
Ang nasikop giila sa kapulisan nga mao si Mario Aranzado, 44-anyos, residente sa Purok 2, Barangay Bayacabac, lungsod sa Maribojoc lalawigan sa Bohol.
Mga binultong shabu ang nakuha sa iyang position nga adunay timbang nga 1,020 gramos, standard drug value nga ₱6,936,000.00 ug usa ka .38 nga kalibre sa pistola.
Sa nasayran nga si Aranzado nasikop niadtong tuig 2015 tungog sa ginadiling drugas ug nakagawas kini human sa pipila ka tuig, apan nibalik na usab kini sa ilegal nga negosyo.
Sa pagkakaron giandam na ang kasong kalapasan sa RA 9165 kon Comprehensive Dangerous Drugs Act batok sa suspetsado. (Renante Socia Lada)