Nabalhig sa prisuhan ang 5 ka indibidwal nga apil sa most wanted persons list sa Central Visayas ang nadakpan sa operasyon sa Criminal Investigation and Detection Group (CIDG) sa Barangay Nagbinlod, Sta. Catalina, Negros Oriental, niadtong Pebrero 12, 2025.
Sumala sa pinakabag-ong report sa CIDG, ang mga dinakpan giila pinaagi sa ilang mga alyas nga Felix, Renato, Daniel, Julian, ug Angelito, nga pulos mga residente sa Negros Oriental. Sila giakusahan sa murder ug frustrated murder nga may kalambigitan sa usa ka land dispute sa Bayawan City, diin usa ang napatay ug duha ang samdan atol sa pagpamusil.
Si Judge Maria Myla Rae Santos-Orden sa Bayawan City Regional Trial Court Branch 63 maoy nag-isyu sa warrant of arrest niadtong Pebrero 5. Walay piyansa alang sa kaso sa murder, samtang ang bail alang sa attempted murder gitakda sa PHP120,000.
Ang CIDG padayon nga nagpatuman sa ilang manhunt operations aron madakpan ang mga most wanted sa rehiyon. (Renante Socia Lada)