Sulod lamang sa pipila ka oras, malampusong narekober sa Cebu City Police Office (CCPO) ang usa ka nawala nga iPhone 16 ug gibalik dayon kini sa tinuod nga tag-iya.
Base sa report, usa ka Japanese national nga ania sa Cebu City alang sa educational tour, aksidenteng nabiyaan ang iyang iPhone 16 sulod sa Grab nga iyang gisakyan human manaog duol sa Capitol Parish Church sa Barangay Kamputhaw alas 6:30 kagabii Hulyo 31, 2026.
Pagkahuman sa report, dali nga milihok ang mga sakop sa City Investigation and Detective Management Unit (CIDMU) ug nagpahigayon og follow-up operation nga misangpot sa pagrekober sa maong cellphone.
Human marekober, dayon kining gitugyan balik sa tag-iya. Nagpasalamat usab ang Japanese national sa mga pulis tungod sa ilang paspas ug episyenteng aksyon sa pagtabang kaniya.
Matod sa CCPO nga gipangulohan ni PCOL Ricky C. Sumalde, ang maong insidente nagpakita sa ilang padayon nga pasalig sa paghatag og paspas, matinud-anon, ug kasaligan nga serbisyo sa publiko.
📸 CCPO