Lima ka mga suspetsado nga gidudahang nagdala og ilegal nga pusil ang nadakpan sa nagkalain-laing operasyon sa Cebu City Police Office (CCPO) sa sayong bahin sa Hulyo 31, 2026.
Ang mga operasyon gihimo sa mga Barangay sa Guadalupe, Pahina Central, Kalubihan, Sapangdaku, ug Lorega San Miguel. Nakuha gikan sa mga suspetsado ang lain-laing klase sa mga revolver ug mga buhing bala.
Sumala sa CCPO, ang tanang nadakpan anaa na sa kustodiya sa kapulisan samtang giandam ang mga kasong ipasaka batok kanila tungod sa paglapas sa Republic Act 10591 o ang balaod batok sa ilegal nga pagpanag-iya ug pagdala og armas.
Giingon usab sa CCPO nga magpadayon sila sa ilang kampanya batok sa mga ilegal nga armas aron mapalig-on ang kalinaw ug kaluwasan sa tanang residente sa Cebu City.
📸 CCPO
I via Renante Socia Lada