Usa ka 32-anyos nga construction worker ang namatay human kini gidunggab atol sa kagubot nga mitumaw sa usa ka iligal nga drag race didto sa Purok Riverside, Barangay San Isidro niadtong nakalabay na hapon.
Sumala sa report sa EB Magalona Police Station, nahimong tensionado ang sitwasyon human ang pipila ka grupo nagsugod og panagsangka atol sa lumba sa motorsiklo. Sa kasamok, nasangit ang biktima ug ang suspetsado nga parehas 32-anyos. Ang biktima gidunggaban sa dughan ug tiyan, ug bisan pa sa paspas nga pagdala kaniya sa tambalanan, gideklarar kini nga dead on arrival.
Ang suspetsado mikalagiw human sa insidente apan nadakpan sa mga kapulisan pagkabuntag. Matod ni Police Major Eric Doronila, hepe sa EB Magalona PNP, andam na ang kasong murder nga ipasaka batok sa nadakpan nga suspetsado.
Padayon ang imbestigasyon sa kapulisan aron masuta kung adunay pa bay uban nga nalambigit sa maong panghitabo.
I via Renante Socia Lada