Malinawon ug walay kasamok nga natapos ang State of the Nation Address (SONA) ni Presidente Ferdinand R. Marcos Jr. sa rehiyon sa Central Visayas, sumala sa Police Regional Office (PRO) 7.
Aron masiguro ang kahapsay ug kalinaw sa maong nasudnong kalihukan, 1,398 ka mga pulis ang gibutang sa mga estratehikong lugar sa rehiyon, lakip na ang mga lugar nga posible gamiton alang sa mga rally o pampublikong tapok. Kini nga mga lakang kabahin sa han-ay nga siguridad nga nagtumong sa mapreserbar sa kalinaw ug seguridad sa publiko.
Gipanid-an mismo ni Regional Director Police Brigadier General Redrico A. Maranan ang operasyon sa seguridad. Nibisita siya sa mga lugar ug nagmonitor sa sitwasyon pinaagi sa Cebu City Command Center kauban ang yawe nga mga opisyal. Tungod sa iyang pagpangulo, nahimo nga epektibo ang koordinasyon sa tanang yunit ug andam sila sa bisan unsang hitabo.
Gipadayag usab sa kapulisan ang ilang suporta sa katungod sa kagawasan sa pagpadayag. Ang tanang rally ug pampublikong mga aktibidad sa rehiyon nahimo nga malinawon ug walay sagabal gikan sa awtoridad.
Nagpasalamat si PBGen Maranan sa mga pulis ug katawhan sa Central Visayas. “The peaceful conduct of this year’s SONA in Central Visayas would not have been possible without the professionalism of our personnel and the discipline of our citizens. I sincerely thank everyone who contributed to the safe and orderly atmosphere we witnessed.”
Source: PRO7
I via Renante Socia Lada