Gidakop sa iyang silingan ug gisumiter sa kapolisan ang usa ka 17-anyos nga lalaki human siya nagpakita ug nagdula sa iyang kinatawo atubangan sa usa ka dalaga nga PWD sa Barangay Hipodromo, Cebu City.
Base sa police blotter, ang suspek giila lang sa alyas “Jhun,” samtang ang biktima mao si alyas “Jean,” 30 anyos. Ang insidente nahitabo sa niaging adlaw dihang personal nga nasakpan sa amahan sa biktima ang suspek nga naghimo sa maong binuhatan.
Dugang pa sa blotter, gihubo pa gyud sa suspek ang sinena sa ibabaw sa biktima ug nakit-an nga nagtan-aw sa dughan niini. Tungod niini, misinggit dayon ang amahan ug gisakmit ang tin-edyer pinaagi sa Citizens Arrest, dayon gihatod ngadto sa Mabolo Police Station.
Samtang menor de edad ang suspek, adunay intervention nga buhaton ang Department of Social Welfare and Development (DSWD) aron masuta kung adunay “discernment” ang iyang gibuhat sa dili pa ipasaka ang kaso nga Acts of Lasciviousness batok kaniya.
Mitug-an ang suspek nga naadik siya sa online pornography nga maoy hinungdan sa iyang binuhatan. Ang biktima, nga mao ray usa sa ilang balay sa maong oras, luwas karon human maabtan sa iyang amahan ang insidente.
I via Renante Socia Lada