Mikabat na sa 305 ka mga motorized banca o sakyanang pang-dagat ang narehistro nga mosalmot sa fluvial parade alang sa kapistahan sa Senyor Santo Niño sa Sugbo ug sa ‘Sinulog Fluvial Festival’ karong Enero 18, 2025.
Ang Sinulog Festival usa ka dakong selebrasyon nga nagpasundayag sa pag-abot sa imahe sa Santo Niño sa isla sa Sugbo ug ang pagsugod sa pagkuyanap sa Kristiyanismo sa isla ug sa mga kasikbit nga lugar.
Ang fluvial parade magtugot sa mga motorized banca nga muapil sa fluvial pardd uban sa mga deboto ug mga partisipante nga maghimo og ritwal ug selebrasyon sa kadagatan.
Ang mga motorized banca nga mag-apil kinahanglan magparehistro, ug ang Philippine Coast Guard (PCG) sa Central Visayas nagpatuman og mga pamalaod sa kaluwasan sa mga partisipante aron malikayan ang bisan unsang aksidente sa panahon sa maong kalihukan. (Renante Socia Lada)