Nakalas ang usa ka babaye human maipit sa aksidente tali sa usa ka prime mover truck ug motorsiklo sa karsada sa D.M. Cortes ug A.C. Cortes Street, Barangay Cambaro, Mandaue City.
Sa inisyal nga imbestigasyon sa Mandaue City Police Office – Traffic Enforcement Unit (TEU), ang insidente nahitabo pasado alas 2:45 sa hapon ug narespondehan dayon sa kapulisan alas 2:50 sa parehas nga adlaw.
Ang truck gimaneho ni Teodie Punay Ycot, 36 anyos, minyo, taga-Tabok, Mandaue City.
Samtang ang motorsiklo nga TVS nga may plaka G289DL gimaneho ni Roy Bontilao Borces, 34 anyos, logistics worker ug residente sa Brgy. San Jose, Cebu City, angkas niya si Gechile Lucion Beltran, 26 anyos.
Matod sa report, samtang nagdagan ang trak padulong sa norte, kalit miliko ang motorsiklo padulong sa usa ka tindahan (DIY). Hinungdan nga igo kini sa trak, ug natumba sa kalsada ang duha ug ang babaye napasok sa ilawom sa trak.
Gidala dayon sa tambalanan ang babayeng backrider, apan gideklarar kini nga dead on arrival sa Mandaue City Hospital.
I via Renante Socia Lada