Usa ka motorista ang namatay human malambigit sa aksidente nga gihulagway isip reckless imprudence resulting in homicide ug damage to property niadtong Febrero 1, 2026, alas 1:18 sa hapon, sa MC Briones Street, Barangay Jagobiao, atbang sa Threesixty Pharmacy.
Sumala sa inisyal nga imbestigasyon, ang Honda nga motorsiklo (Vehicle A) gimaneho ni Maricris Ugdiman Misterio, 37 anyos, single, ug residente sa Bas Pagsabungan, Mandaue City. Ang Isuzu wingvan truck (Vehicle B) gimaneho ni Armando Gabales Amandog Jr., 47 anyos, single, residente sa Bacolod City.
Sa nahitabo, nagdagan ang motorsiklo padulong sa Gaisano Basak dihang naigo kini sa Isuzu truck nga nagdagan sa parehas nga direksyon. Giingon nga nawad-an og kontrol ang trak, misulod sa pikas nga lane, ug naligsan ang motorsiklo, nga maoy hinungdan sa kamatayon sa drayber niini.
Ang biktima gidala dayon sa Mandaue City Hospital. Nadaut ang motorsiklo, samtang walay natalang kadaot ang trak.
Padayon pa ang imbestigasyon sa kapulisan aron mahibal-an ang tukmang hinungdan sa aksidente.
I via Renante Socia Lada