Nadakpan sa San Fernando Municipal Police Station ang usa ka wanted person tungod sa duha ka kaso sa rape human masilbihan og warrant of arrest niadtong hapon sa Enero 29, 2026 sa Barangay Bugho, San Fernando, Cebu.
Ang nadakpan nailhan lamang sa alyas nga “Rene,” walay trabaho ug residente sa maong barangay. Ang pagsikop gihimo sa Tracker Team sa San Fernando MPS, uban ang tabang sa Glan Municipal Police Station, Sarangani Police Provincial Office, ug Police Regional Office 12.
Ang warrant of arrest gi-isyu sa Regional Trial Court sa 11th Judicial Region sa Sarangani Province may kalabotan sa duha ka ihap sa rape, ug walay piyansa nga girekomendar.
Sumala ni PCOL Abubakar Udang Mangelen Jr., Provincial Director sa CPPO, gidayeg niya ang paspas ug hiniusang aksyon sa kapulisan. Matod niya, magpadayon ang PNP sa pagpaningkamot sa pagpangita ug pagdakop sa mga wanted person aron mapadayon ang kalinaw ug kaluwasan sa probinsya.
Source: CPPO
I via Renante Socia Lada