DAPITAN CITY — Nipatuman ang Dapitan City Fire Station og Physical Fitness Test alang sa mga firefighter apprentice, ubos sa pamuno ni Acting City Fire Marshal FSINSP Rommel M. Rojas, isip kabahin sa pagpalig-on sa pisikal nga kahandam ug disiplina sa serbisyo.
Gisukod sa test ang kusog, kalig-on, ug kahapsay sa lawas pinaagi sa push-ups, sit-ups, endurance run, ug 50-meter hose dash—mga sukaranang kahanas nga gikinahanglan sa firefighting ug emergency response.
Tumong sa kalihokan nga masiguro nga andam, lig-on, ug episyente ang mga umaabot nga bombero sa pag-atubang sa mga emerhensiya ug sa pag-alagad sa komunidad.(JENIFFER JR. DELICA)
Source: BFP R9 Dapitan City Fire Station