Nasakmit sa kapulisan sa Police Station 11 ang usa ka lalaki nga giisip nga most wanted person tungod sa kaso nga Murder, pinaagi sa paggamit sa PNP E-Warrant System, alas 11:30 sa gabii, Mayo 25, 2026, sa Ma. Gochoan Street, Barangay Mambaling, Cebu City.
Ang operasyon gipangunahan sa Station Drug Enforcement Unit (SDEU) sa Police Station 11 uban sa Intelligence PNCO Team ubos sa pagdumala ni PLT Jay Ramos ug sa direktang superbisyon ni PCPT Arnel Ancheta, ang hepe sa estasyon.
Base sa rekord, ang nadakpan nga suspetsado adunay warrant of arrest nga giisyu sa huwes sa Regional Trial Court Branch 31 sa Calbayog City niadtong Disyembre 15, 2014. Walay gitakda nga piyansa para sa maong kaso.
Human sa pagdakop, ang suspetsado gidala dayon sa Police Station 11 alang sa booking ug dokumentasyon, ug dayon alang sa hustong proseso sa kaso.
Gipakita sa maong operasyon ang padayon nga paningkamot sa Cebu City Police Office (CCPO) ubos sa pagpanguna ni City Director PCOL George V Ylanan sa pagpaningkamot nga mas dakop ang mga wanted persons ug madala sila sa hustisya.
I via Renante Socia Lada