Samtang kadaghanan sa mga pamilya nagpahulay na sulod sa ilang mga balay, ang kapulisan padayon sa pagpatrolya sa mga barangay aron maseguro ang kalinaw ug kaluwasan ilabi na sa oras sa curfew.
Atol sa ilang paglibot, nakasugat ang mga pulis og pipila ka mga bata nga nag-edad og 8 hangtod 13 anyos nga naa pa sa gawas sa gabii. Ang uban nila nakita nga nagtambay sa computer shop, samtang ang uban nagsuroy-suroy sa kadalanan bisan gabii na ug tugnaw na.
Nakapukaw kini sa kaluoy sa mga pulis kay dili unta angay nga anaa sila sa gawas sa maong oras.
Dihadiha, giluwas sa mga pulis ang mga bata ug gidala sa barangay aron masiguro ang ilang kahimtang ug kaluwasan. Gipahibalo usab dayon ang ilang mga ginikanan mahitungod sa nahitabo.
Sa pag-abot sa mga ginikanan, gipahimangnoan sila sa kapulisan nga bantayan pag-ayo ang ilang mga anak ilabi na sa gabii aron malikayan ang peligro sama sa aksidente o mahimong mabiktima sa dautang tawo.
Kini nga hitabo nagpahinumdom nga ang mga bata kinahanglan naa sa luwas nga lugar sa oras sa kagabhion, ilabi na sa ilang mga balay nga adunay giya ug proteksyon sa pamilya.
I via Renante Socia Lada