Nadakpan sa kapulisan ang top most wanted person sa Eastern Visayas sa Purok Kawayanan, Brgy. Tayud, Liloan, Cebu, sa niaging adlaw.
Si alias “Nic”, 27-anyos, lumad sa Tabango, Leyte, giila nga miyembro sa usa ka gun-for-hire group nga naglihok sa 3rd ug 4th districts sa Leyte. Siya nadakpan pinaagi sa joint law enforcement operation nga gihimo sa Liloan MPS, PIU-CPPO, SWAT 1st PMFC, RIU7 PRO-7, ug intelligence operatives sa PRO-8, ubos sa pagdumala ni PCOL Jovito Atanacio, Provincial Director sa Cebu Police Provincial Office (CPPO).
Ang operasyon gibase sa daghang warrants of arrest nga gipagawas niadtong Mayo 23, 2024, nga naglakip sa mosunod nga mga kaso:
- Tulo ka kaso sa murder (Criminal Case Nos. R-PAL-24-2952-CR, R-PAL-24-2953-CR, R-PAL-24-2954-CR) – Walay pyansa.
- Paglapas sa R.A. 9165 (Comprehensive Dangerous Drugs Act of 2002) (Sections 11(3) ug 12, Article II) (Criminal Case Nos. R-ORM-24-0205-CR ug R-ORM-24-0206-CR) – Php 200,000 nga pyansa.
- Paglapas sa R.A. 10591 (Comprehensive Firearms and Ammunition Regulation Act) (Section 28(A) ug 28(E)) (Criminal Case No. R-ORM-24-0207-CR).
Nailhan ang suspek nga responsable sa duha ka pagpamusil nga misangpot sa pagkamatay sa mga biktima: Disyembre 11, 2023 – Brgy. Casilion, Villaba, Leyte, patay ang kanhi barangay kagawad ug ang iyang 7-anyos nga anak, ug niadtong Pebrero 20, 2024 – Sitio Banahaw, Brgy. Tugas, Tabango, Leyte
Pagkahuman sa pagdakop, gipahibalo sa kapulisan ang suspek sa iyang mga kaso ug katungod ilawom sa Konstitusyon. Siya karon nadetain sa Liloan Municipal Police Station samtang nagpaabot sa mando sa korte.
Gihimo ang operasyon subay sa legal nga proseso gamit ang Alternative Recording Device (ARD), nga nasubay sa Section 5, Rule 3 sa Administrative Matter No. 21-06-08-SC o “Rules on the Use of Body-Worn Cameras in the Execution of Warrants.”
Giawhag sa kapulisan ang publiko nga mointerak ug mo-report sa bisan unsang kadudahang lihok.
Source: Liloan Municipal Police Station
I via Renante Socia Lada
#rpndykccebu
#675hzamband
#mrpublicservice